ബാംഗ്ലൂരിലേക്കുള്ള ഒരു യാത്രയിലാണ് ആ ഉമ്മയെ കണ്ടത്,ബസ്സില് ക്ഷീണിച്ച് ഉറങ്ങുകയായിരുന്നു അവര്, വാര്ദ്ധക്യം ആ മുഖത്ത് ചുളിവുകള് വീഴ്ത്തിയിരിക്കുന്നു, കാറ്റത്ത് നെരച്ച തലമുടികള് പാറിക്കളിക്കുന്നു ,മുഷിഞ്ഞ കറുത്ത തട്ടം നേരെയാക്കാന് ഉറക്കത്തിലും അവര് ശ്രമിക്കുന്നുണ്ട്, ബസ്സ് ഒരു ഘട്ടറില് കയറി ഇറങ്ങിയപ്പോ ഉണര്ന്ന അവര് കയ്യിലുള്ള ബാഗില് നിന്നും ഒരു ഓറഞ്ച് എടുത്ത് തിന്നാന് തുടങ്ങി . അവരെ നോക്കി ഇരുന്ന് ഞാനും പതുക്കെ ഉറക്കത്തിലേക്ക്,
ഉണര്ന്നപ്പോ ബസ്സ് ബാംഗ്ലൂരില് എത്തിയിരിക്കുന്നു, ഒന്ന് മൂരിനിവര്ന്ന് ബാഗും എടുത്ത് പുറത്തേക്കിറങ്ങി .നല്ല ചൂട് ,നേരത്തെ വിളിച്ച് പറഞ്ഞതിന് പ്രകാരം സുഹൃത്തും ഭാര്യയും പിക്ക് ചെയ്യാന് വന്നിട്ടുണ്ട് , അവരെ കണ്ട സന്തോഷത്തില് കുശാലാന്വേഷണം നടത്തുംബോള് ആ ഉമ്മ അരികിലേക്ക് വന്നു ,
"കുട്ട്യേ ഈ അഡ്രസ്സ് എവിടേന്ന് അറിയോ ?"
കയ്യില് ചുരുട്ടി പിടിച്ച ആ തുണ്ട് കടലാസ്സ് സുഹൃത്ത് വാങ്ങി നോക്കി ,സുഹൃത്തിന് ആ സ്ഥലം അറിയാം ,
"നേരെ പോയാല് ട്ടാക്സി കിട്ടും അവര്ക്ക് കാണിച്ചു കൊടുത്താമതി അവര് കൊണ്ട് വിട്ടോളും "
"എനിക്കിബടെയൊന്നും അറിയൂല്ല ഒന്ന് സകായിക്കാന് പറ്റ്യോ ?"
"ഞങ്ങള്ക്ക് ധാരാളം ജോലിയുണ്ട് തള്ളേ വേറെ ആരോടെങ്കിലും ചോദിക്ക് " സുഹൃത്ത് അവരെ പുച്ഛത്തോടെ ആട്ടിയോടിച്ച് എന്റെ ബാഗുമായി നടന്നകന്നു , കൂടെ ഞാനും യാന്ത്രികമായി ,,,,,,,,,,
പിന്നെ അവന്റെ പുതിയ വിദേശ നിര്മ്മിത കാറിലേക്ക് ഏസിയുടെ തണുപ്പും ചെറിയ സംഗീതവും, കാര് റോഡില് കുതിച്ചു നീങ്ങുകയാണ്. അവന് വാ തോരാതെ സംസാരിക്കുന്നുണ്ട് ,ഓഹരി വിപണി ചാഞ്ചാട്ടം പെട്രോള് വില , പുതിയ പബ്ബുകളുടെ ബിസിനസ്സ് സാധ്യത , പക്ഷേ ഞാന് അപ്പോഴും ആ ഉമ്മയിലായിരുന്നു ,ആ മുഖത്തെ ദയനീയത മനസ്സീന്നു പോകുന്നില്ല ,കുറ്റബോധം വല്ലാണ്ട് വേട്ടയാടുന്നു .സഹായം നിരസിക്കുക എന്ന മഹാ പാതകം ചൈതിരിക്കുന്നു .ചില കൂട്ടികീഴിക്കലുകള്ക്ക് ശേഷം സുഹൃത്തിനോട് കാറ് തിരിച്ചു വിടാന് കല്പ്പിച്ചു .
"ആ തള്ള പറഞ്ഞ സ്ഥലം മഹാ പിഴയാ മോനേ " സുഹൃത്തിന്റെ ഉപദേശം
"ഈശ്വരാ ഇനി എന്തെല്ലാം കാണണം"അവന്റെ കേട്ട്യോളുടെ രോദനം
ബസ്സ് സ്റ്റാന്റില് വന്നപ്പോ കരഞ്ഞ കണ്ണുമായി ആ ഉമ്മ ,വാര്ദ്ധക്യമൊന്നും പ്രശ്നമാക്കാതെ കാമ കണ്ണുമായി പലരും സഹായം വാഗ്ദാനം ചൈത് രംഗത്തെത്തിയിട്ടുണ്ട് ,.കാറില് നിന്നും ഇറങ്ങി നേരെ ആ ഉമ്മയുടെ അടുത്തെത്തി
"ഉമ്മ വരൂ ഉമ്മക്ക് പൊവേണ്ട സ്ഥലത്തേക്ക് ഞങ്ങള് കൊണ്ടുവിടാം "
കണ്ണ് തുടച്ച് അവര് ഞങ്ങളുടെ കൂടെ കാറിലേക്ക് ,സുഹൃത്തിന്റെ ഭാര്യക്ക് മുഷിഞ്ഞു നാറ്റം സഹിക്കാനാവുന്നില്ല ,അവള് ഗ്ലാസ് താഴ്ത്തി വെച്ച് പുറത്തേക്ക് നോക്കിയിരുന്നു ,
"ഉമ്മയുടെ ആരാ ഇവിടെയുള്ളത് "
"ഇന്റെ മോളാ ,,,ഓളെ ഇബിടക്കാ കെട്ടിച്ചേക്ക്ണത് "
"അപ്പോ കൂടെ ആരും വന്നില്ലേ ?"
"അതിന് ഇനിക്ക് ആരുംല്ല്യാ ,ഉള്ള ഒരുത്തിനേയാ ഇങ്ങട്ട് കെട്ടിച്ചയച്ചത് " ഉമ്മ കരഞ്ഞ് മൂക്ക് പിഴിഞ്ഞു ,സുഹൃത്തിന്റെ ഭാര്യ അറപ്പോടെ ചര്ര്ദിച്ചു ,
"മോള്ക്ക് ബിശേഷംണ്ടോ ?"ഉമ്മ സുഹൃത്തിന്റെ ഭാര്യയെ തലോടി ചോദിച്ചു ,
കലിപ്പോടെ എന്തോ പറയാന് തുനിഞ്ഞ അവളെ സുഹൃത്ത് കാറിലെ കണ്ണാടിയിലൂടെ വിലക്കി ,
പിന്നെ ഒരു ദീര്ഘ നിശ്വാസത്തിന്റെ അകമ്പടിയോടെ ഉമ്മ മനസ്സ് തുറന്നു ,
ഒരു വര്ഷമായി മോളെ ഇങ്ങോട്ട് കെട്ടിച്ചയച്ചിട്ട് ,നാട്ടില് നിന്നും പല തരത്തിലുള്ള ആലോചനകള് വന്നിരുന്നു പക്ഷേ അവര് ചോദിച്ച സ്ത്രീധന തുക ഉണ്ടാക്കാന് കഴിഞ്ഞില്ല ,ആയിടെ ആരോ കൊണ്ട് തന്ന ആലോചനയാ ഇത് ,പത്തു പവനും പതിനായിരം രൂപയും സ്ത്രീധനമായി കൊടുത്തു ,അത് തന്നെ ഉണ്ടാക്കാന് വല്ലാണ്ട് പാടുപെട്ടു , ഇപ്പോള് പണം ചോദിച്ച് അവളെ ഭര്ത്താവ് ഉപദ്രവിക്കുന്നുണ്ട് പോലും ,പണവുമായി വന്നിരിക്കുകയാണ് ഈ പാവം ,
കയ്യിലുള്ള കവറിലെ മുഷിഞ്ഞ നോട്ടുകള് അവര് ഞങ്ങള്ക്ക് കാണിച്ചു തന്നു ,
കാറ് ഉമ്മ പറഞ്ഞ സ്ഥലത്തെത്തി ,വല്ലാത്ത ഒരു തെരുവ് ,നെരച്ച കെട്ടിടങ്ങളും വൃത്തികെട്ട മണവും ,നായ്ക്കളും മനുഷ്യരും തുല്ല്യ സ്വതന്ത്രത്തോടെ അവിടെ വിഹരിക്കുന്നു ,പാട് പെട്ട് ആ വീട് കണ്ടുപിടിച്ചു ,എല്ലും തോലുമായ ഒരു സ്ത്രീരൂപം വാതില്ക്കല് വന്നു നിന്നു ,
"ഇന്റെ മോളെ !!!!!!"
"ഉമ്മാ .........ഇങ്ങള് ഇന്നേ ഈ ........നരഗത്തില് .........
ഉമ്മയുടേയും മകളുടെയും സ്നേഹ പ്രകടനത്തിന് ഭംഗം വരുത്തി കൊണ്ട് ഒരു വൃദ്ധന് അങ്ങോട്ട് കയറിവന്നു ,കാഴ്ചയില് ഉമ്മയെക്കാള് വയസ്സ് തോന്നിക്കും ,മൂപ്പരാണ് ഈ കുട്ടിയുടെ ഭര്ത്താവ് .ഞങ്ങളെ കൂടെ കണ്ടത് മൂപ്പര്ക്ക് ഇഷ്ടപ്പെട്ടില്ല ,
"ഏ ആത്മിലോകോം കോന് ഹേ " മൂപ്പര് ഹിന്ദിയിലാ .......
"ഹം ഉസ്ക്കാ ...........(കൂട്ടുക്കാരന്റെ വാക്കുകള് മുഴുവനാക്കാന് മൂപ്പര് സമ്മദിച്ചില്ല )
"മേം പഹലെ ബത്തായാക്കാ പൈസാ തുമാരേ പാസ് ഹേ ?" (ഞാന് മുന്പ് പറഞ്ഞ പൈസ നിന്റെ കയ്യിലുണ്ടോ ?)
"ഹാം ജീ " ഉമ്മയും ഹിന്ദിയില് ,,,,,
പിന്നെ വിറയാര്ന്ന കൈകള് കൊണ്ട് ആ പണം അയാള്ക്ക് നല്കി ,പണം കിട്ടിയ സന്തോഷത്തോടെ അയാള് അവിടം വിട്ടിറങ്ങി ,
"ഉമ്മാ എന്തിന് ഈ നരഗത്തിലേക്ക് ഈ കുട്ടീനെ കെട്ടിച്ചു "
"എന്താ ചെയാ മോനേ പെങ്കുട്ട്യാല് പ്രായായാല് കെട്ടിക്കണ്ടേ ,വല്ല്യ സ്ത്രീധനം ഞമ്മക്കൊന്നും കൂട്ട്യാ കൂടില്ല്യാ ,അപ്പോ ഇതൊക്കെ തന്നെ ബജ്ജ് "
"ഇതിലും നല്ലത് ഇങ്ങക്ക് ഇനിക്ക് ഇത്തിരി ബെഷം മാങ്ങി തരായിരുന്നു .ഇബടെ ഞാന് മൂപ്പര്ടെ മാത്രം കേട്ട്യോളല്ല .മൂപ്പര് കൂട്ടി കൊണ്ടോര്ണ എല്ലാരേം കൂടിയാ " പിന്നെ കരച്ചിലോടെ കരച്ചില് ,
ഒരു വല്ലാത്ത കെണിയിലാണ് ഈ കുട്ടി പെട്ടത് എന്ന് മനസ്സിലായി ,എന്റെ ഉള്ളിലെ ഞാന് ഉണര്ന്നു .പിന്നെ അവരെ അവിടന്ന് രക്ഷിക്കാനുള്ള ത്വര ,
"കുട്ടി എടുക്കാനുള്ളതെല്ലാം എടുത്തോ ഇങ്ങളെ ഞാന് നാട്ടില് കൊണ്ട് വിടാം "
"നീ വേണ്ടാത്ത കാര്യത്തില് തലയിടേണ്ട ഈ സ്ഥലം അത്ര പന്തിയല്ല " കൂട്ടുക്കാരന് എതിര്ത്തു ,
അപ്പോഴേക്കും വടിയും മറ്റ് ആയുധങ്ങളുമായി കുറേ പേര് ഞങ്ങളെ വളഞ്ഞു ,അവര് ഞങ്ങളെ ബലമായി പിടിച്ച് വണ്ടിയില് കയറ്റി ,.
"ജീവന് വേണേമെങ്കില് ഇവിടന്ന് വിട്ടോ " കൂട്ടത്തിലുള്ള മലയാളി ശബ്ദം അക്ഷരാര്ത്ഥത്തില് ഞെട്ടിച്ചു .
"ഞമ്മള് ഏതായാലും കുടുങ്ങി ഇങ്ങള് രക്ഷപെട്ടോളീ ഇങ്ങക്ക് ഞമ്മളെ രക്ഷപ്പെടുത്താനാകൂലാ ................. "
കാറിന്റെ ചില്ലുകള് ഉയര്ത്തുന്നതിന്ന് മുന്പ് കേട്ട നിലവിളി അതായിരുന്നു .
രണ്ട് ദിവസം സുഹൃത്തിന്റെ വീട്ടിലെ അടച്ചിട്ട മുറിയില് ഇരുന്ന് ,ഒന്നും ചെയ്യാനാവാത്ത തന്റെ നിസ്സഹായാവസ്ഥ ഓര്ത്ത് വിലപിച്ചു ,
"പോലീസും ഭരണകൂടവും അവര്ക്ക് തുണയായുണ്ട് നമുക്ക് ഒന്നും ചെയ്യാന് കഴിയില്ല ,ഒരു വന് മാഫിയ സംഘം തന്നെ ഇതിന്നു പിറകിലുണ്ട് " പിറ്റേ ദിവസത്തെ സുഹൃത്തിന്റെ അന്വേഷണ റിപ്പോര്ട്ട് ...
.jpg)
