 |
"സാലി നീ ഇന്ന് ഭക്ഷണമൊന്നും ഉണ്ടാകേണ്ട "
"അതെന്താ ഇന്ന് പട്ടിണി കിടക്കാന് തീരുമാനിച്ചോ ?"സാലിചേച്ചിയുടെ കുറിക്കുള്ള മറുപടി ,
"അതല്ല ഇന്ന് എല്ലാം ഞാന് ഉണ്ടാക്കാം നീ ഇവിടെ വന്ന് ടിവി കണ്ടോണ്ടിരിക്ക് "
"അപ്പോ എന്നേം മക്കളേം പട്ടിണിക്കിടാനുള്ള പരിപാടിയാണല്ലേ "
ടിവിയുടെ റിമോട്ട് സാലിചേച്ചിയുടെ കയ്യില് കൊടുത്തിട്ട് സാബുച്ചായന് അടുക്കളയില് സജീവമായി ,ആദ്യം വെണ്ടക്കയും ഉരുളന് കിഴങ്ങും തക്കാളിയും മുളകും എല്ലാം കയ്യിലെടുത്ത് എന്തു ചെയ്യണം എന്നറിയാതെ പകച്ചു നിന്നു , " ദൈവമേ എന്നെ രക്ഷിക്കണേ ",.
"ഇന്ന് വെജിറ്റബിള് കറി പോരേ "അടുക്കളയില് നിന്നും ഒരു ചോദ്യം
"എന്തായാലും കുഴപ്പമില്ല,വെളിച്ചണ്ണ കുറച്ച് എടുത്താമതി.ഒരു മാസം തട്ടി ഒപ്പിക്കാനുള്ളതാ ,"
"ഇപ്പോ ടെക്നിക്ക് പിടികിട്ടി അപ്പോ വെളിച്ചെണ്ണയിലാണ് ടേസ്റ്റ് കിടക്കുന്നത് അതാണ് അത് കുറച്ചെടുക്കാന് പറഞ്ഞത്,കളി എന്നോടോ "സാബുച്ചായന്റെ ആതമഗതം
അടുക്കളയില് സാബുച്ചായന്റെ തട്ടും മുട്ടും കേള്ക്കുന്ന സമയത്ത് ടിവി യില് "മാനസപുത്രി "തകര്ക്കുന്നു ,
"എന്റെ കല്ബിലെ വെണ്ണിലാവു നീ നല്ല പാട്ടുക്കാരാ " മൊബൈല് ശബ്ദിച്ചു .
"ഇച്ചായാ ഫോണ് മാവൂര്ക്കയാണ്,"
"ഞാന് ബിസിയാ എന്താ കാര്യം എന്ന് ചോദിക്ക് "
"മാവൂര്ക്കയും ലൂസിയും വിരുന്നിന് വരുന്നു എന്ന് "
"ങേ !!!!!,വിരുന്നോ ഇപ്പോഴോ: ,അയാള്ക്ക് കോഴി വേണ്ടി വരും. "
"ഫ്രിഡ്ജില് ഉണ്ട് നമുക്ക് അത് ശരിപ്പെടുത്താം,"
"നീ ഇങ്ങോട്ട് വരേണ്ട ,എല്ലാം ഞാന് നോക്കികൊള്ളാം"
"ഇച്ചായാ വിരുന്നുക്കാര്ക്ക് നല്ല ഭക്ഷണം കൊടുക്കേണ്ടേ,ഇങ്ങള് മാറി നിക്ക് ഞാനുണ്ടാക്കാം "
"സാലി എനിക്കു ദേഷ്യം വരുന്നുണ്ട് .നിന്നോട് ടിവി കണ്ടിരിക്കാനാ പറഞ്ഞത്,ഇതിന്റെ ടെക്നോളജിയൊക്കെ എനിക്കറിയാം ,വെറുതെയല്ല ഞാന് പത്താം ക്ലാസ് ജയിച്ചത് "
"അതെന്താ പത്താം ക്ലാസ് പരീക്ഷക്ക് പാചകമായിരുന്നോ വിഷയം "
"സാലി നീ എന്റെ കയ്യീന്ന് മേടിക്കും,"
"ഇല്ലാ ഞാനൊന്നും പറഞ്ഞില്ലേ നിങ്ങളായി നിങ്ങളെ പാടായി ,നാളെ ഫേസ്ബുക്കില് ഭക്ഷണം മോശമായി എന്ന പോസ്റ്റ് വന്നാല് എന്നെ കുറ്റം പറയരുത് "
"പറയുന്നില്ല പോരേ "
"അവര് വന്നൂന്ന് തോന്നുന്നു ഒന്നങ്ങോട്ട് ഇറങ്ങി ചെന്ന് സ്വീകരിക്ക് ഇച്ചായാ "
"നീ സ്വീകരിച്ചാ മതി ഞാന് അടുക്കളയിലാ എന്ന് പറ"
,ചിക്കന്റെ മണം മാവൂര്ക്കയുടെ മനസ്സ് നിറച്ചു ,ലൂസിയുടെ വായില് കപ്പലോടിക്കാന് വെള്ളം
"ലൂസി സാബു കരുതികൂട്ടി തന്നെയാ "
"അതേ മാവൂര്ക്കാ നല്ല മണം ,"
വീട്ടിന്നകത്തേക്ക് കയറിയപ്പോഴേക്കും ഡൈനിങ് ടേബിള് ഭക്ഷണം കൊണ്ട് നിറഞ്ഞു ,സാലിക്ക് കണവന്റെ സാമര്ത്യത്തില് അഭിമാനം ,ലൂസിക്കും മാവൂര്ക്കയ്ക്കും തിന്നാനുള്ള ആക്രാന്തം ,
അപ്പോഴേക്കും മുറിയിലാകേ മുല്ലപ്പൂവിന്റെ പരിമളം പരന്നിരുന്നു .
പിന്നെ കുറച്ചു നേരം കുശലാന്വേഷണങ്ങള് ,
"ഇനി വൈകിക്കേണ്ട നമുക്ക് തുടങ്ങാം,എന്റെ പ്രിപ്പറേഷനാ എല്ലാം ചൂടോടെ കഴിക്കണം "
സാബുവിന്റെ ആ വാക്കുകള് കേള്ക്കാന് കാത്തുനിന്ന മാവൂര്ക്കക്ക് ആശ്വാസം,
ആദ്യം തന്നെ പൊരിച്ച ഒരു ചിക്കന് പ്പീസ് കയ്യിലെടുത്ത മാവൂര്ക്കക്ക് എന്തോ ഒരു പന്തികേട്.അത് ലൂസിയുടെ ചെവിയില് മന്ത്രിച്ചു ,
"ഒന്ന് മണത്തു നോക്കിക്കേ ചിക്കന് എന്തോ കുഴപ്പമുണ്ട് "
ലൂസിയും ചിക്കനെടുത്ത് മണത്തു നോക്കി "ശരിയാ എന്താ സാബൂ ചിക്കന് ഒരു മുല്ലപ്പൂവിന്റെ മണം " ലൂസിയുടെ വാക്കുക്കള് വെള്ളിടിപോലെ കൊണ്ടത് സാലിക്ക് ,
"മുല്ലപ്പൂവിന്റെ മണമോ" സാലിയും ഒരു പീസെടുത്ത് മണത്തു നോക്കി ,"ശരിയാണല്ലോ !!!!!"
"ഇച്ചായാ ഇങ്ങള് ഏത് എണ്ണയിലാ ഇത് പൊരിച്ചത് "
"ഷെല്ഫിലുണ്ടായിരുന്ന ശുദ്ധമായ ആ പാരച്യൂട്ട് വെളിചണ്ണയിലാ പൊരിച്ചത്"
"അയ്യോ !!! ഇച്ചായാ അത് മുല്ല പൂവിന്റെ മണമുള്ള ഹെയര് ഓയിലാ. ദൈവമേ !!!!!!"
ലൂസി കൈ കഴുകി എണീറ്റു ,അപമാനം സഹിക്കവയ്യാതെ സാബു ബെഡ്റൂമില് പോയി വാതിലടച്ച് കിടന്നു,സാലി അടുക്കളയിലേക്ക് ഓടി വായിക്ക് രുചിയായി എന്തേലും ഉണ്ടാക്കാന്
പിന്നെ എങ്ങും നിശബ്ദത ആരും ഒന്നും മിണ്ടുന്നില്ല ,
"കറും!!@# മൂറും@#$#കറും മൂറും #@@# "എന്ന ശബ്ദം കേട്ട് എല്ലാരും ഡൈനിങ് റൂമില് വന്നപ്പോള് മാവൂര്ക്ക മുല്ലപ്പൂവിന്റെ പരിമളം ആസ്വദിച്ച് പൊരിച്ച ചിക്കന് കഴിക്കുകയായിരുന്നു ...............
No comments:
Post a Comment