കോഴിക്കോട് ബസ്റ്റാന്റ് പരിസരം ,
തലേ ദിവസത്തെ പ്രഭാഷണം കഴിഞ്ഞ് ഉറക്ക ചടവോടെ നാട്ടിലേക്ക് പോവാന് ബസ്സ് കാത്ത് നില്ക്കുകയാണ് ലുഖ്മാന് ,അപ്പോഴുണ്ട് കുലുങ്ങി കുലുങ്ങി "മര്ഹബ "ബസ്സ് വരുന്നു ,കോഴിക്കോട് പ്രസംഗമുണ്ടാവുന്ന പലപ്പോഴും ഈ ബസ്സിലാണ് യാത്ര ,അത്കൊണ്ട് കണ്ടക്ടറേയും ചെക്കറേയും നന്നായി അറിയാം ,
ബസ്സില് കയറിയപ്പോള് സീറ്റ് മൊത്തം കാലി എന്നും തിക്കി തിരക്കി നിന്നാണ് പോവാറ് ഇന്നെങ്കിലും ഇരുന്ന് പോവാല്ലോ ,നല്ല ഒരു സീറ്റ് പിടിച്ചു ,നല്ല ഉറക്ക ക്ഷീണമുണ്ട് അറിയാതെ മയങ്ങി ,
ഉറക്കത്തില് ലുഖ്മാന് ഒരു സ്വപ്നം കണ്ടു ,മരിച്ചു കിടക്കുന്ന താന്,ആളുകള് തന്നെ പളളികാട്ടില് കബറടക്കുന്നു ,പിന്നെപടച്ചവന്റെ സന്നിതിയിലേക്ക് ,ചൈത നല്ല കാര്യവും ചീത്ത കാര്യവും തൂക്കി നോക്കിയപ്പോള് തിന്മ കൂടുതല് ,നന്നായിട്ട് കാലം കുറച്ചല്ലേ ആയിട്ടുള്ളൂ അപ്പോഴേക്കും മരണം സംഭവിച്ചല്ലോ അതാണ് വിനയായത് ,പിന്നെ കയ്യും കാലും കൂട്ടി കെട്ടി നരഗത്തിലേക്ക് എടുത്തെറിയപ്പെട്ടു .
നരഗത്തിന്റെ ആഴങ്ങളിലേക്ക് പോകുമ്പോള് എവിടെയോ തല വെച്ചടിച്ചു ഒന്ന് കുലുങ്ങി , ഉറക്കത്തില് നിന്നും ഞെട്ടി ഉണര്ന്നു പരിസര ബോധം വീണ്ടുകിട്ടി ,ബസ്സിലാണ് ചുറ്റും ആളുകള് തിങ്ങി നില്ക്കുന്നു ,ബസ്സ് പിറകോട്ട് സഞ്ചരിക്കുന്നു ,
"പടച്ചോനേ ബസ്സ് എന്റെ സ്റ്റോപ്പും കഴിഞ്ഞോ "
"ആളെറങ്ങാനുണ്ട് വണ്ടി നിര്ത്തടാ ഹംക്കെ ആളെറങ്ങാനുണ്ട് "
ലുഖ്മാന് വളരെ പ്രയാസപ്പെട്ട് തിക്കി തിരക്കി ഡോറിനടുത്ത് എത്തി ,അപ്പോഴാണ് ഒരു കാര്യം ശ്രദ്ധിച്ചത് ,ബസ്സ് കോഴിക്കോട് സ്റ്റാന്റില് നിന്നും പുറപ്പെടുന്നേയുള്ളൂ ,ചുറ്റിലുമുള്ളവര് ചിരിക്കുന്നു ,
"ഹല്ല മൌലവി ഇങ്ങള് ഒറങ്ങിപ്പോയോ ?" ചെക്കറുടെ ചോദ്യം
തിരിച്ച് നടന്ന് സീറ്റിനടുത്ത് എത്തിയപ്പോ തന്റെ സീറ്റില് മാന്യനായ ഒരു സ്വാമി ഞെളിഞ്ഞു ഇരിക്കുന്നു ,
"നാട്ടിലെ മതമൈത്രിക്ക് കോട്ടം തട്ടാത്തിരിക്കാന് നില്ക്കുന്നതാണ് ബുദ്ധി"
ലുഖ്മാന് ഉള്ളില് സമാധാനിച്ചു .
No comments:
Post a Comment